شاب روش طحن..!!!!!

شاب روش طحن

((المشهد الاول))

ماما صحت من النوم


أم سحلب :يا فتاح يا عليم يا رزاق يا كريم....يا حسنيه...حسنيه

حسنيه : أيوه يا ماما ثباح الخير

أم سحلب:صباح الفل يا يا حلوه....ياختى على جمالك......قومى ياختى وصحى أخوكى سحلب علشان يروح الكليه

حسنيه: حاضريا ماما. .. بث حضرتك ثحى حثن يروح يشترى الفول والطعميه. ..

أم سحلب: لأ...صحيه انت هو كمان...أصل بنطلون أخوكى سحلب عاوز يتكوى....تصدقى ماخدش باله امبارح وهو بيتشرتيه انه له ركب.. .

حسنيه:حاضر يا ثت الكل... . . ثوانى بث...


طق طق طق طق

حسنيه: ثحلب....ثحلب ...قوم الثاعه بقت ثبع ونث. ..وحا تتأخر

سحلب: ايه فيه ايه ...مين بيصرخ ......هو انت...سرعتينى ...بس روحى أعملى لى نسكافيه.وأنا جاى وراكى

حسنيه: نثكافيه ايه ....احنا مقاطعين الكلام ده. ..حا أعمل شاى البراد الاثفر....مثرى وآخر حلاوه

سحلب: يووه.. ..أمال حا أقول ازاى بس صباح النسكافيه




((المشهد الثانى))

سحلب مقهور.....

أم سحلب: يا حسنيه .. ..

حسنيه:نعم يا ثت الكل

أم سحلب: روحى بسرعه افتحى الدولاب وهاتى حزام أبوكى. ..أصل الظاهر البنطلون حا يطلع واسع على أخوكى حبتين

سحلب: ايه ده....ايه ده اللى أنا شايفه ده .....الحقونى. ...أااااااااه

أم سحلب: ما لك يا ابنى....مقهور ليه

سحلب: يا خسارة تعبى وشقاى

أم سحلب: ليه يا سحلب قطعت قلبى يا بنى

سحلب: ليه. ..ليه...ليه كويتيه . ..ده أنا مقرفص طول الليل علشان يبقى له ركب ....

أم سحلب: كده. ..الحق عليه عاوزاك تبقى مرتب وعليك القيمه

سحلب: هى دى الموضه يا ماما .كل الشباب الروش كده

أم سحلب:موضه ايه ...ده حتى جربان ...ولونه مش حلوكده ومزهزه

سحلب: ما أنا اللى غسلته بالكلور . وايدى اتهرت. ....ونقعته فى الشمس امبارح..علشان يجرب.يا خسارة تعبى



أم سحلب: اسمع كلامى بس وأدخل البسه كده وروح الكليه والبس حزام بابا. ...وحا تبقى كده

سحلب: حزام ايه...لأ.. ..هو لازم يبقى نازل كده. ..كأنه حا يقع. ...

أم سحلب: ودى موضه دى كمان....طب ربنا يستر وما يقعش منك وانت بتعطس





((المشهد الثالث))

تسريحه تجنن


حسنيه: ثحلب....مالك يا خويا. ...شعرك ماله اتنفش كده. ...أخويا...انت اتكهربت واللا ايه

سحلب: اوعى انت كمان...ده جل

حسنيه: جل !!. ..طب تعال أثرح لك بث. ...ده أنا حثنيه اللولبيه

سحلب: لا يا ستى...كفايه أفكارك انت وماما ...بوظتوا الروشنه ...ادخلى ياللا...هاتى لى الحظاظه

حسنيه: يعنى ايه!!

سحلب: الغويشه الجلد اللى على مكتبى .....ياللا بسرعه حا تأخرينى

أم سحلب: مع السلامه يا سحلب. ..ربنا يفتحها فى وشك. ..هو بيقول ايه يا حسنيه

حسنيه: بيغنى يا ماما....((أمى مثافره وحا أعمل حفله ..)) !!!!!!
(((نقلته ليكم )))

شكرا على الموضوع الجميل ده

تسلمي يا سهر الليالي على الموضوع
نقد بس بطريقة ظريفة

يا روشنتك يا سحلب يا جامد....
موضوع راااائع يا سهرالليالي

شكرا لمرور اعضائنا الكرام ( د\احمد -عبير الورد -روزيت)....الموضوع نور بردودكم الجميلة...

ثوكلان يا دكتور على الموضوع لاكثر من رائع دة

هو الواد ميعرفش يشتري هوكان راح احسن للبياع وقله علي طلبة و هوكان جبلة البنطلون الي عايزة بدل مكان سهر طول الليل متقرفص علشان يعملوا كرش وهو هي دي فرفرة انوا بيشرب نسكافية انا مش حشربة تااااااااااااااني

بس فعلا موضوع جامد اخر حاجة

بس علي فكرة الواد سحلب لو معانا في الكلية كان الدكتور محمود عبد الحميد علقة علي باب الكلية

ثهر الموضوع ثكر
والود ثحلب ده عثل

بجد دايما مواضيعك بتعجبنى ثكرا يا ثهر الليالى يا عظمة

على فكرة انا مث ثهر

عفوا انا قاصدة بكلامى ده سهر الليالى اللى كاتبة الموضوع