نكت تموت من الضحك

مـره قـزم عـطـس ... خـبـط راسـه فـي الارض

*واحـد احـول حـس بالـبـرد وهـو نـايـم ... قـام وغـطـى اخوه
* مساطيل راحوا يعزو ف واحد صاحبهم واحد قال للثاني عزيت قاله لأ عالسمن
*مرة استاذ تاريخ قال : مصر ام الدنيا فردعليه تلميذ وقال : وفرنسا أم اللمبى
*مرة واحد شاف امه مولعة .....قالها منورة يا حاجة
*مره حرامى دخل لحلاق الحلاق ثبته بالجيل
*جماعه بلدياتنا راكبين طياره..المضيفه جت وبتسألهم يطلبوا ايه في الوجبه...واحد قالها عاوز عسل يا عسل والتاني قالها عاوز سكر يا سكر..والتالت قالها عاوز لبن يا بقره
*مرة قنبلة نزلت على قهوة قالت بننن
*مرة واحد بيقول للتاني: أنا بردان من التكييف ,راح التاني قاله : وأنا حسين من مصر
*مرة اتنين مساطيل حبوا يزوروا فلوس فزورواورق كتييييييييييييييير كل ورقه ب تمنتاشر جنيه راحوا لواحد مسطول قالوا له معاك فكة تمنتاشر قالة تاخد تسعتين
*مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
* مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح قبل ان يراه ابوك"
* واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."
*مدرس رياضه اتجوز مدرسة رياضه خلفو ولد شبه منحرف وبنت دايره على حل شعرها
*واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز
*واحده وحشه بتقول لجوزها بكره عيد ميلادى . قالها هنقف دقيقتين حداد
*مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"
*واحد محشش كان حيخبط واحدة بالعربية . قالتله انت ماشفتنيش . قالها أيوه شفتك بس مش فاكر فين؟؟
*مره اتنين طلبه مساطيل قاعدين يكتبوا ورا الاستاذ فى املحاضره وكل ما الاستاذ يمسح السبوره يقطعوا الورقه!!!!
*مرة اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق"
*واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك
*واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس
*مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه
*بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا بالفين وحامل كمان؟؟؟
*مره واحد كهربائى اتجوز واحده اسمها نجفه علقوها منه
*مره دكتور راح مستشفي المجانين علشان يكشف عليهم فرسم لهم باب علي الحائط و قال لهم "افتحوه" فراحوا يفتحوه ما عدا واحد، افتكر أنه عقل و بقى كويس فساله "ليه ما فتحتش الباب" قاله "لأن المفتاح مش معايا !!؟؟"
*مره واحد كسلان محكوم عليه بالإعدام ردما فى حفرة فبيقلوله "نفسك فى ايه قبل ما نردم؟" راح قالهم "أشرب قالولوه "اطلع اشرب" راح رد وقال "انا لسه هطلع يا عم اردم اردم!!"
*مرة نملة ماشية بتعيط فمسكها راجل على كفه وسألها "انتي بتعيطى ليةيا نملة؟" قالتله "علشان بابا وعيلتى كلهم ماتوا" حط كفه على كفه وقال "لا حول ولا قوة الا بالله"
*كان في مره قردين واحد حظه حلو والتانية حظه وحش ابو حظ حلو قال "تعالي نسرقة موز من المزرعة" فطلع القرد اللي حظة حلو فوق الشجره وابو حظ وحش تحت، صاحب المزرع وصل ومسك اللي تحت وضربه، كل مره تتكرر الحكاية ده يتمسك ابو حظ وحش، فقال ابو حظ حلو "خلاص تعالي نسرق وانا ابقي تحت وانت تبقي فوق" وصل اولاد صاحب المزرعة عشان يمسكوا اللي تحت قال لهم "لأ ده اضرب كفاية امسكو اللي فوق"
*طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبو خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني ولما اصطاد الفريسه الكلب اعد يزغرط
* ليه النمله مابتخدش الفيل قدامها على العجله ؟؟؟
!
!
!
!
!
!
!
!
علشان بيلعب فى الجرس

نكت خيااااااااااااااال