الى شباب كلية طب قنا !!!

اول حاجة السلام عليكم
عاملين اية يا ريت تكونو حليتو حلو فى الامتحانات وما تزعلوش من مادة الفيزيا والتشريح والكيميا انا عارف انهم غلسين
بس تعملو اية اصلكم مش عارفين الحكاية
زمان لما جم يعملو كليات
كانت كلية علوم مسلفة كل كلية فلوس راح حصل اية
كانت عاوزة فلوسها
الكليات مكانش معاها فلوس
ولانى علوم دولة اقطاعية
راحت اتفقت معاهم اتفاق
انها تدرس مادة من المواد بتاعتها فى كل كلية
عشان كدة دايما تلاقو دكاترة علوم حاشرين نفسهم فى كل كلية
اداب تربية هندسة
دة حتى طب ما عتقوش


المهم بقى
الموضوع اللى هكلمكم علية هوة اية هوة انى معانا معسكر فى الجامعة عشان اسبوع شباب الجامعات ومسافرين يوم الاربعاء القادم
فاول شئ انتو شرفنا اشتراككم معانا فى المنتدى علوميات
فكنت عاوز افتح قسم خاص ليكم طلاب طب تنزلو فية مواضيع طبية وكدة يعنى
دى حاجة
تانى حاجة
انا كنت عملت دعاية للمنتدى بتاعنا على ورق كبير وورق حائط عشان الاسبوع يشترك معانا اكرت عدد من الطلبة على مستوى الجمهورية
فعاوز اخد رأيكم لو احط منتداكم الجميل كمان معانا فى الدعاية واهو الاتنين يبقو مشهورين وكويسين
الفكرة دى جاتنى دلوقتى قلت اكتبها على طووووووول


يعنى هتكون الورقة فيها اسم منتدانا وكمان اسم منتداكم الكريم
ودة هيكون على مستوى الجمهورية
لاننا هنكون متواجدين فى مدينة كلية الطب جامعة المنصورة
يعنى العيار اللى ما يصيبش يدوش واهو نزود عدد المتصفحين للموقع هنا وعدد المشاركين من كل كليات طب الجمهوري
وبس خلص الكلام

ويجعلة عاااااااامر بوجودكم معانا

احب اشكرك (sper2) على حماسك واجتهادك الدائم ده , وحرصك على مصلحة منتادنا ومنتداكم...
طبعا احنا كلنا معاك في الفكرة الرائعة جدا دي.....وتوكل على الله ...

فكره رائعــــــــــــــــــــــــــــــــــــه و جميله جدااااااااا.وشكرا ان حضرتك فكرت ف منتدانا و ف كليتنا .go ahead

لعلمكم يا دكاترة
انا بدعم كلية طب جدا جدا
بالرغم انى كنت علمى رياضة
بس عارف ان طب دى يعنى جامعة
لانى هى اساس الكليات
وبعدين فكرة ان يكن فى منتدى لطب دى حاجة جميلة قوى قوى
انا بدعمكم قوى فى منتدانا
وان شاء الله تلاقو عدد الاعضاء زاد من كل الجامعات وكل كليات الطب

اه نسيت
دكتورة ونتر سونج دكتورة سهر الليالى بشكركم لردكم على الموضوع وبتعجبنى قوى المجلة اللى فى مدخل كليتكم
فكرة حلوة

شكرا للرد

دي فكرة كويسة جدا يا sper2 لان نفسي الكل يحس بوجود جامعتنا وخصوصا كليتنا لانها لسه جديدة وقليل جدا الي يعرف ان في حاجة اسمها ((طب قنا))...
شكرا على حماسك لمنفعة منتدانا ومنتداكم..
على فكرة المنتدى بتاعكم في غاية الروعة..
ربنا معاكم في المعسكر

لا دة هايل عشان انتو مشتركين معانا
وبأكد تانى عاوزين نشوف فاعليتكمم معانا
وما تقلقوش ان شاء الله مش هتمر النص التانى غير لما يعدى عدد اعضاء منمتداكم 250 او 300 طالب على الاقل على قد ما اقدر

وما تزعلوش من مادة الفيزيا والتشريح والكيميا
على فكرة ياSPER2احنا ماعندناش فيزيا
وشكرا لاهتمامك بالمنتدى بتاعنا