هذا هو العدد الشهري الاول....2

التوتر العصبي

*نور الهـدي*

وناس واقفه وبتتريأ ومبسوطه
وناس تانيه بتستغرب ومنقوطه..ليه الدكتور نسي الفوطه
وهو يا عيني كان واقف وشه احمر ولا القووطه

وقال ياجماعه سامحوني وقبل ما تتجوا تلوموني
تعالوا احكيلكوا انا حكايتي وبعديها ابقوا حاكموني

سنين فاتت في ثانويه كفاح دامي وعرق ودموع
وبعد المعركه الحاميه قدرت انجح واجيب مجموع

اخيرا حلمنا اتحقق هخش الطب وادكتر
رساله جميله معاها مقام عالي وفلوس اكتر

وجاتلي بطاقه الترشيح فيها الطب اللي بحلم بيه
بتاع البوسته جبهالي وخدله حلاوه عشره جنيه

في اول يوم لبست جديد وشلت البالطو رحت لاقيت
زمايلي اتحشروا في مدرج عامل ولا علبه كبريت
لكن برضه ميئستش
دخل الدكتور قعد يشرح كلام صعب ولاتيني
وانا متنح ومش فاهم لقيت النوم غلب عيني
ولسه انا برضه ميسئتش

قلت مادام ضاع النظري هظبط نفسي في العملي
جريت ع المشرحه بسرعه ولكن كالعاده خاب املي

ولسه انا برضه ميئستش
دخلت لقيت 200 واحد بيتخانقم ع الجثه
وناس واقفه من الزحمه علي كتافي ومش حاسه
ولسه انا برضه ميسئتش

وطبعا حسوا بظروفنا وحطولنا امتحان فوازير
وكل ما اجي احل سؤال اقف قدامه زي الزير
ولسه انا برضه ميئستش

وجينا في لجنه الشفوي وكان قدامي واد كوسه
خد الفول مااارك مرتاحه وفوقيهم بوووسه
ولسه انا برضه ميئستش
دخلت وكان مكشرلي ولا كأني هيومن فيس
سألني سؤال مرديتش قاللي اخرج يا هوبلس كيس

ولسه انا برضه ميئستش
كبرنا شويه وقولنا خلاص دلوقتي شوفوا حالات
ورحنا نشوف كالعاده كله بيطلع اشتغالات
بشوف الشاب من سني واقف ويا الصحاب مرتاح
ولو عديت انا راح الدحاح جه الدحاح
ولسه انا برضه ميئستش
لحد ما خلصم السبعه وقلت خلاص حروق وأعيش
وقبل ما افوق من الصدمه خدوني ع الجيش
وقعت في ايد ظابط صغرني وقالي يا بسكوت
احب ابشرك اك معايا حتطفح الكوت
خلااااااااااص السبعه بقوا عشره ولسه انا ماشي جنب الحيط
وبان السن علي وشي وشعر ابيض واصلعيت

وبعد ما قلت كفاره خلاص حرتحلي بقا كام يوم
لاقيتم تاني وخديني علشان تكليفي في السلوم
وقلت هناك هاخد قرشين اكل منهم واجيب لبسي
فؤجئت يا عيني بمرتب ميقضيش شيبسي

وبعد العمر دا كله رموني في وحده صحيه
نسيت انا فيها الطب وبقيت انا زي التمرجيه

واديني بعيش وهعمل ايه ؟؟ما ليش لا قوه ولا حولا
وحيد غلبان حتي مفيش جواز ع نفقه الدوله

قام الدكتور صعب ع الناس يبكوا ع حاله
حتي الفوطه نسوها ولما فلوس وسابوها
وقال دكتورنا عدوا علينا بكره تعالوا هشيلعا بكره
لكن اهل المريض قالوا خلاص خليها ذكري

*نور الهـدي*