كل موقف ورد عيه

انت في اوضتك علي السرير وطافي النور ومستغطي
يجي اخوك الظريف يسألك ايه ده انت حتنام
(معتقدش انى هرقص يعنى اكيد هنام)


انتم معزومين عند الناس اول مارحتولهم البيت فتحو الباب يقول
ابنهم االصغير انتو جيتو
( لا لسه )


انت خارج وركبت العربيه وبدور و طالع ويجي البواب يقول لك انت رايح الشغل يا بيه
( لا العربية وحشاني)


مسكت التليفون وبتضغط على الارقام يجى حد يقولك انت هتتكلم فى التليفون؟
(لا بتفرج علية)


ماسك مذكرة ولا كتاب وقاعد بتحفظ متحمس ( اول مره بقى ) ويجي حد يقولك هاة قاعد تذاكر
(تقوم رامي الكتاب وقايل لااااااااااا )


ولا باة القنوات و اسئلتهم البايخة برنامج اهداء اغانى ترد عليك ست الكتكوتة (المزيعة)بكل خفة ورشاقة انت بتحب الاغنية دى؟
(لا انا طالبها اخنق على نفسى )


او مثلا فى برامج العيد
المذيع 'ههههه هههه نتعرف بيك؟
المواطن فلان الفلانى
المذيع 'هههه بتقول اية للاهل هههه وصحابك هههههه وقرايبك هههه
المواطن اقولهم كل عام وانتم بخير
(اكيد مش هيقولهم البقاء للة)


المذيعة الظريفة'وياترى هتعملو اية فى العيد هتقضوة ازاى اكيد بيبقى زيارات الاهل والاصحاب وتفسحو اولادكو ونتصل بالمعارف ونقولهم كل سنة وانتم طيبين
( سبتيلة اية يقوولة يا رخمة!!)


والاسخف باة برامج الاطفال .... الشلل الكبير
المذيع' انت بتحب بابا وماما ؟؟!!!
(يعنى الولة لسة مطلعلوش عرق الندالةعلشان يقول لا)

حلوين وشكرا على مجهودك

السلام عليكم ورحمة الله وبركاته
نسيت تقول فى لقاءات الدكاترة ييجوا يبتسموا ببلاهة لا تتناسب مع مكانتهم ويقوله
"" ايه ؟؟؟؟؟؟؟؟؟؟ زاكرتوا الاسبوع اللى فات ايه يا حلوين"؟؟؟؟

CALIPSO كتب:

السلام عليكم ورحمة الله وبركاته
نسيت تقول فى لقاءات الدكاترة ييجوا يبتسموا ببلاهة لا تتناسب مع مكانتهم ويقوله
"" ايه ؟؟؟؟؟؟؟؟؟؟ زاكرتوا الاسبوع اللى فات ايه يا حلوين"؟؟؟؟

اكيد تقصد الدكتوره مديحة