اليكم مفهوم الحب الحقيقي ...في اختبار يتسم بالصراحة!!

لا شك أن البشر مختلفون ، فمنهم من يؤمنون بالحب ويتسمون بالرومانسية ورقة المشاعر ، وآخرون لا يقدرون على التعبير عن مشاعرهم كما يجب .


وهناك من يتحكم العقل فى كل تصرفاتهم ولا يعترفون بوجود الحب فى الارتباط والزواج ، ولترى من أي نوع أنت قم بالإجابة عن على الأسئلة بـ"نعم" أو "لا" أو "ربما" .
1- الحب هو امتزاج الأنفس حتى تصبح نفس واحدة في جسدين ولكن لا يشترط التطابق في الأفكار؟
2- كلمة الحب تعني مشاعر لا مكان بها للماديات الملموسة ؟
3- لا يشترط التوافق المادي بين المتحابين ؟
4- يشترط التوافق الذهني والثقافي والنفسي والبيئي بين الطرفين ؟
5- لا يشترط أن يسبق الحب الزواج
6- الزواج هو مولد الحب ؟
7- يتغاضى الحب عن الكثير من العيوب الشخصية ؟
8- لا يمكن أن تنشا صداقة بين "رجل وامرأة" فهي غالبا ما تنقلب لنوع من الحب ؟
9- صورة الحب في الأفلام العاطفية مبالغ فيها وغير واقعية ؟
10- لا يمكن وجود حب من طرف واحد وإن وجد فلابد من الانتهاء منه بسرعة ؟
11- أحب أن أتزوج شخصا لم تسبق له علاقات عاطفية ؟
12- العاطفة عند المرأة هي الرومانسية والمشاعر بينما عند الرجل تترجم العواطف إلى عمل وماديات في أغلب الأحيان؟
13- لا يعني الحب الثقة العمياء في الطرف الآخر ؟
14- الحب يعني الصراحة المتبادلة ؟
15- إذا تعارض الحب مع طاعة الله يمكن الاستغناء عنه ؟
بعد الإجابة على الأسئلة أعط لنفسك درجتين عن الاجابة بـ" نعم " ودرجة عن الإجابة "ربما" ولا شيء عن الإجابة "لا" :
*إذا حصلت على أكثر من 25 درجة : فمعلوماتك عن الحب ممتازة وصحيحة وهذا سيقودك حتما إلى الاختيار الصحيح لشريك الحياة والى السعادة ، فالحب يمثل لك المشاعر الحلوة والصراحة والتسامح والاتزان ، والزواج هو بداية الحب وشرط الحب هو رضا الله.
* إذا حصلت على أكثر من 13 درجة : فإنك تحاول الوصول إلى الطريق الصحيح ولكن معلوماتك في حاجة إلى بعض التصحيح.
إذا حصلت على أقل من 10 درجات : فأنت في حاجة إلى معرفة الكثير والكثير عن الحب الحقيقي ومحاولاتك للارتباط قبل ذلك قد تعرضك للخطأ في اختيار شريك حياتك فاحذر، قبل أن تتغنى بقصيدة نزار قباني "وهم كبير اسمه الحب".
((منقووووول))
يارب يكون عجبكم الموضوع ...ويلا وروني درجاتكم ايه؟؟؟!!!

موضوع جميل فعلا وانا اخدت20درجه

ياريت حضرتك تقول درجتك كام؟؟؟؟؟؟؟؟

اولا شكرا على الموضوع الجميل ده بس بصراحة انا مش بحب حكاية التقييم ده اوبمعنى اخر انى مبعرفش اقيم نفسى

))موضوع جميل فعلا وانا اخدت20درجه((
شكرا لمرورك...ياwinter songs ...ودرجتك حلوة مبرووووك لكي النجاح!!!!

winter songs كتب:

ياريت حضرتك تقول درجتك كام؟؟؟؟؟؟؟؟

اما بالنسبة لدرجتي كانت 22

ahmed k كتب:

اولا شكرا على الموضوع الجميل ده بس بصراحة انا مش بحب حكاية التقييم ده اوبمعنى اخر انى مبعرفش اقيم نفسى

العفو يا د\احمد....بس انا في رأيي ان الانسان هو اكتر واحد المفروض يعرف نفسة كويس وهو اكتر واحد قادر على تقييم نفسه
وعدم قدرة الانسان على معرفة حقيقة نفسة ده يعتبر مشكلة تمثل عقبة كبيرة في حياته...والاختبار ده من الاختبارات اللي بتساعدك على معرفة شخصيتك ...ياريت تحاول تجاوب عليه مرة تانية وممكن يساعدك ولو بقدرصغير على معرفة نوع شخصيتك....

سهر الليالي كتب:

))موضوع جميل فعلا وانا اخدت20درجه((
شكرا لمرورك...ياwinter songs ...ودرجتك حلوة مبرووووك لكي النجاح!!!!

العفو يا سهر الليالى و الحال من بعضه و مبروووووووووك نجاحنا احنا الاتنين

الله يبارك فيكي يا ونتر وعفبال الامتياز السنة دي ... ياااااارب

شكرا يا دكتوره على النصيحة وان شاء الله ححاول اقيم نفسى

موضوعك جميل جدا يا سهر.... وبالنسبة ليا جبت 23

عاوزين نكتر من المواضيع الاختبارات دى جد موضوع تحفة

rosette كتب:

موضوعك جميل جدا يا سهر.... وبالنسبة ليا جبت 23

شكرا ليكي يا روزيت ع مرورك الجميل

MMA كتب:

شكرا يا دكتوره ع الموضوع الجميل ده
وبالنسبة لدرجتى 22

الفعو يا د\MMA , وشكرا لمشاركتك00

sper2 كتب:

عاوزين نكتر من المواضيع الاختبارات دى جد موضوع تحفة

انا كمان بحب الاختبارات الشخصية جدا ...والحمد لله ان الموضوع عجبكم ..شكرا ع مرورك ..

شكرا على المساهمة الرقيقة
على فكرة فى عشرات القصايد لنزار توضح سحر الحب
غير قصيدة "وهم الحب"



هل ممكن اى قلب يعيش من غيرحب؟
معتقدش

من الواضح انى رمل البحر رومانسى شوية ولا ايه

رمل البحر كتب:

شكرا على المساهمة الرقيقة
على فكرة فى عشرات القصايد لنزار توضح سحر الحب
غير قصيدة "وهم الحب"



هل ممكن اى قلب يعيش من غيرحب؟
معتقدش

ماعتقدش ان الواحدة لازم تعيش بحب
دى حالة طارئة

اعتقد يا دكتورة انك فهمت غلط
مش لازم البنت تعيش حالة حب بالصورة بتاعت اليومين دون
سيبيها لوقتها ..........
اكيد هتغيرى كلامك
على فكرة ممكن الانسان يعيش من غير حب
بس اكيد هيعيش وهو مستنية

بلاش الرومانسية دى يا رمل البحر

ده راى يا دكتور
وشكرا على الرد

اوعى تكون زعلت يا رمل البحر انا باضحك معاك

رمل البحر كتب:

شكرا على المساهمة الرقيقة
على فكرة فى عشرات القصايد لنزار توضح سحر الحب
غير قصيدة "وهم الحب"



هل ممكن اى قلب يعيش من غيرحب؟
معتقدش

شكرا (رمل البحر) على مشاركتك..وياريت تجبلنا اشعار نزار القباني في المنتدى...
اما بالنسبة لسؤالك \طبعا محدش يقدر يعيش من غير حب , والا يكون مفيش حياة اصلا ...

انا باتفق مع سهر ورمل البحر فى انى اى انسان ميقدرش يعيش من غير حب طبعا

اكيد كل واحد بيدور على الحب في حياته
بس كمان لو مجاش الحب يبقى دي مش نهاية الحياة....

اعتقد يا روزيت ان مفيش انسان مش بيحب لان الحب لابد ان يأتى

ahmed khairy كتب:

اعتقد يا روزيت ان مفيش انسان مش بيحب لان الحب لابد ان يأتى

وان مجاش....
بعدين الحب الصادق هو الي مش بيلاقيه كل الناس
والي يلاقيه يبقى محظوظ جدا...

وان مجاش....
بعدين الحب الصادق هو الي مش بيلاقيه كل الناس
والي يلاقيه يبقى محظوظ جدا...[/quote]
اعتقد انه لو مجاش الحب بيقى الانسان ده معقد نفسيا

أنا مبسوطة لانى جبت فى الاختبار ده 26 وفى رأيى مستحيل أتخيل حياتى بدون حب لأنه أجمل احساس فى الدنيا كلها لكن صدقونى الحب مش كلام وبس زى اليومين دول بالعكس أجمل شئ هو اللى بيحب حد ويكتفى بنظرة حب رقيقة تحمل كل المعانى من حبيبه بدون أن تأتى الفرصة ولو مرة واحدة لأن يصرح بحبه

شكرا ليكي يا lola على مرورك ....ويارب تفضلي على طول كده مبسوطة....

lola كتب:

أنا مبسوطة لانى جبت فى الاختبار ده 26 وفى رأيى مستحيل أتخيل حياتى بدون حب لأنه أجمل احساس فى الدنيا كلها لكن صدقونى الحب مش كلام وبس زى اليومين دول بالعكس أجمل شئ هو اللى بيحب حد ويكتفى بنظرة حب رقيقة تحمل كل المعانى من حبيبه بدون أن تأتى الفرصة ولو مرة واحدة لأن يصرح بحبه

كلام صحيح طبعا وبعدين امضتى بتقول كده
شكرا lola

يظهر يا د/احمد انى حضرتك بتفهم فى مواضيع الحب والرومانسية وفعلا أرائك كلها جميلة وعاجبانى وبجد مستغربة أنها تكون أراء أحد الأولاد

lola كتب:

يظهر يا د/احمد انى حضرتك بتفهم فى مواضيع الحب والرومانسية وفعلا أرائك كلها جميلة وعاجبانى وبجد مستغربة أنها تكون أراء أحد الأولاد

وليه الاستغراب ده lola جايز لان الاولاد مش بيظهروا اللى جواهم زى البنات

يمكن يكون كلامك صحيح لكن انا شايفة ان ده عيب وليس ميزة لأن الحب والمشاعر الرقيقة مش غلط ان الانسان يظهرهم

ردود ونتر وLOLAفيها حاجات كتير لازم تتوضح بس انا باشكرهم عليها والختلاف فى الرأى لا يفسد للود اى موضوع

Dr_MMM كتب:

أشكر الدكتورة سهر الليالي ع الموضوع ده وعن نفسي أنا جبت 27 درجة

العفو يا د\MMM ..وشكرا لمرورك

احب اوجه شكرا الى LOLA ..ود\احمد ...على المناظرة الجميله دي...وعلى ارائهم كمان.

CALIPSO كتب:

ردود ونتر وLOLAفيها حاجات كتير لازم تتوضح بس انا باشكرهم عليها والختلاف فى الرأى لا يفسد للود اى موضوع

ممكن يا دكتوره توضحى ايه اللى ف ردودى مش واضح و لازم اوضحه؟؟؟؟؟؟؟يمكن فى سوء تفاهم .عالعموم شكرا على رد حضرتك