من الاذكى الطبيب ام المهندس؟!

يحكى إن مهندسا وطبيبا جلسا جنبا الى جنب خلال رحلة جوية بالطائرة طويلة ومملة فنظرالطبيب إلى المهندس وسأله إذا كان يريد أن يلعب لعبة مسلية لملء الوقت .
فاعتذر منه المهندس بدبلوماسية (وصرفه) ونظر إلى الناحية الأخرى وصد عنه
وتظاهر برغبته بالخلودالي النوم. بعد دقائق أصر الطبيب وقال للمهندس إنها لعبة
سهلة و رائعة وشرح له الكيفية و قال:
"أنا أسألك سؤالا وإذا لم تعرف الجواب تعطيني 10 دولارات –ثم تسألني وإذا لم
اعرف الجواب ادفع لك 10 دولارات". ومرة أخرى (صرفه) المهندس كما فعل في
المرة السابقة وتظاهربرغبته في النوم
وبعد دقائق تضايق الطبيب وقال للمهندس: "حسنا اذا لم تعرف الجواب تعطيني 10
دولارات واذا لم اعرف انا الجواب أعطيك 100 دولارات".
هنا أثار الطبيب تفكير المهندس الذي لم يلبث سوى قليلا فوافق على العرض
بالمشاركة في اللعبةالمسلية.
سأل الطبيب السؤال الأول : ما هي المسافة بين الأرض و القمر؟
فبادر المهندس على الفور ودفع 10 دولارات للطبيب. ثم أتى الدور على المهندس
فسأل الطبيب: ما هو الشيء الذي يصعد إلى الجبل على ثلاثة وينزل على أربعة؟
نظر الطبيب إليه بارتباك و حيرة –واضطر لفتح حاسوبه الشخصي وبحث في جميع
مصادره وبعد حوالي ساعة أوقظ المهندس من نومه وأعطاه 100 دولار. المهندس
وبدبلوماسية اخذ النقود ووضعها في جيبه ثم أدار وجهه إلى الجهة الأخرى لإكمال
نومه. الطبيب استاء قليلا من المهندس لعدم إعطائه الجواب –وبعد ربع ساعة
أيقظه من نومه مرة أخرى وسأله: "ما هو الجواب لذلك السؤال؟".
ومن غير أن ينطق بأي كلمة أدخل المهندس يده في جيبه وأعطى الطبيب10
دولارات أخرى وعاد وأكمل نومه.

***************

أعجبني فنقلته لكم

موضوع هايل يا روزيت ..وعجبني زي ما عجبك ...
طبعا المهندس هو الاذكى...بس كده الدكاترة يزعلوا..

شكرا يا سهر..
على فكرة الدكاترة مايزعلوش ولا حاجة
لان الدكتور اول ما سمع السؤال اصر على البحث عن الاجابة ومعرفتها على عكس المهندس الي ريح دماغه من غير ما يفكر واداله 10 دولار...

احنا ليه منقولش ان الدكتور هو الى ازعج شخص عاوز ينام
والمهندس حب يرد بذكاء
عامة الموضوع مش موضوع ذكاء الموضوع نسبى
اما بالنسبة للفرق بين الدراسة فاسالوا مجرب ربنا رحمكم
وعامة كل شخص ذكى فى مجالة "الحرامى "منتهى الذكاء ولا اينشتاين فى زمانة
ولو فى اى شخص سمع فيلم"CATH ME IF YOU CAN"
اكيد هيتمنى يكون حرامى!!!!!!

موضوع جميل بس عالعموم حكايه الذكاء دى نسبيه فعلا و ان كان عدد الاذكياء ف مجال الهندسه اكتر من الاذكياء ف الطب و عموما الهندسه بتنمى الذكاء....

موضوع جميل وعلى العموم احنا مش زعلانين من دكتورة روزيت ولا حاجة ونشكرها ونرجو المزيد

catch me if you can
من الافلام اللى باحبها للنجم اللى بحبه lionardo de cabrio
بس احلى حاجة انه بعدين اشتغل مع الحكومة
مش زى العبقرى المصرى اللى سرق 10مليون دولار من بنك امريكى وحبسوه 15سنة

اكيد يا دكتور"ة"
بس انت بعد مسمعت الفيلم *متمنيتش تكون زية؟
اما عن الحرامية الى عندنا
فهم كتير ربنا يريحنا منهم

بلاش السياسة يا رمل البحر خلى بالك ده تانى تحذير

هوة من جهة الحق المهندس اذكى
بس الطبيب ادق واكثر دقة والا كانو خلو المهندسين هما اللى يقعدو فى العناية المركزة
ما تزعلوش
لا غنى عن الاتنين

sper2 كتب:

هوة من جهة الحق المهندس اذكى
بس الطبيب ادق واكثر دقة والا كانو خلو المهندسين هما اللى يقعدو فى العناية المركزة
ما تزعلوش
لا غنى عن الاتنين

ماشى مقبولة منك ياsper2 بس الحق على روزيت اللى حطتنا فى الموقف ده

انا باضحك يا روزيت اوعى تزعلى موضوع جميل طبعا

معلش يا جماعة انا شكلي عملت قلق بسبب الموضوع ده...
عالعموم.... لا غنى عن الاتنين على راي sper2

rosette كتب:

معلش يا جماعة انا شكلي عملت قلق بسبب الموضوع ده...
عالعموم.... لا غنى عن الاتنين على راي sper2

من الواضح ان روزيت زعلت من الكلام