حدوتة لطيفة وحدوتة وحشة

السلام عليكم باحب أهدي الموضوع ده لطلاب طب قنا
**************
نبدأ بحدوتة لطيفة ونخلي الحدوتة الوحشة المرة القادمة
حدوته لطيفه

كان يا مكان...فى قديم الزمان

وما يحلى الكلام الا بذكرالنبى...عليه الصلاةو السلام

كان فيه شاب طيب..اسمه لطيف...وكان بيدرس فى كليه لطيفه

وكان متدين...وملتزم..وأخلاقه لطيفه.....بيصلى...ومحافظ على ورده اليومى...وكمان بيغض بصره

مره و هو فى المدرج...شاف لطيفه..لابسه الحجاب بطريقه لطيفه .وأخلاقها اسلاميه...ولطيفه.ومن أول نظره...حصلت له حاجات لطيفه...

عرفها من خلال تعاملاتها مع الجميع ككل...ولمح مفاتيح شخصيتها....من غير ما يقفواتحت شجرة الجميز

وقلبه بقى فى حاله لطيفه...وبيدق دقات لطيفه.وفكر فى الارتباط بلطيفه...

ولأنه مستقيم...ومؤدب...وبيتقى الله فى أفعاله...قرر ما يغلطش

عمل ايه

فى يوم لطيف...كلم لطيفه...وهى كمان عرفت عنه حاجات لطيفه...وسمعته وهو بيقرأ القرآن فى المدرج ....بطريقه لطيفه..ولأنه كان بيكلمها و هو بيغض بصره...بصوره لطيفه...اقتنعت بيه...وكانت حاجه لطيفه

اتفقوا ما يتقابلوش...ومايتكلموش...وما يتناقشوش...ومايتخانقوش

وما يغلطوش...ومايتعفرتوش

وكل شهر...يشترى كتيب دينى...وهى تشترى شريط دينى...ويقول لها السلام عليكم...وهى ترد وعليكم السلام...ويتبادلوا الهدايا

من غير كلام...ولا هيام...ولا استسلام للشيطان

وتكون دى علامةتجديد العهد....

وبعد ما اتخرجوا...كانت أخت لطيف...بتسأل عن لطيفه....و بتزورها فى أوقات لطيفه

ومرت الايام...بصوره لطيفه...وكانوا طبعا قلقانين...وخايفين..

بس لأنهم اتقوا الله...وتواصلوا بصوره لطيفه...ربناوفقهم....وأخيرا لطيف خطب لطيفه

وكانت حفله لطيفه..وبعدها اتجوزوا...وخلفوا ولد لطيف...وبنت لطيفه..

عقبالكم كلكم

لما تعيشوا لحظات لطيفه
***********************************

يااااااااه على القصة اللطيفة
وعلى الصدفة اللطيفة
انا قررت افصل الواد لطيف دة من الكلية اللطيفة
ونسرح البت لطيفة بعلب مناديل فى ميدان لطيف المنياوى


لو دى قصتك دة انتة عندك قدرة على التحمل يا راجل
جميلة تسلم ايدك

قصتك لطيفة وكلامك لطيف وهاعتبرها فرصة لطيفة انك بقيت معانا فى المنتدى

شكرا لكل من SPER 2 ،،،،LOLA علي ردكوا اللطيف و احب اقولكم ان المنتدي بتاعكم لطيف ونفسي ازور كليتكم اللطيفة في يوم لطيف ايه رايكم

dr.mrm كتب:

شكرا لكل من SPER 2 ،،،،LOLA علي ردكوا اللطيف و احب اقولكم ان المنتدي بتاعكم لطيف ونفسي ازور كليتكم اللطيفة في يوم لطيف ايه رايكم

نصيحة بلاش تزور كليتى اللطيفة اليومين دول لانه النتيجة بتظهر ولةس النهاردة راصدين 10 حالات اغماء
مش عارف زمايلنا بتوع طب عملو اية

ولا راحو فين ولا خايفين نتيجتنا تبهت عليهم ولا اية